Tumhare jaise humne dekhne wale nahi dekhe

Tumhare jaise humne dekhne wale nahi dekhe
Jigar mein kis tarah se ranjo gham pale? nahi dekhe
Yahan par saat majhab ka hawaala sab ne dekha hai
Kisi ne bhi hamare paun ke chhale nahi dekhe….

Kiran chahu to duniya ke andhere gher lete hain,
Meri tarah koi jeeye to jeena bhool jayega.....
Kadam uthne nahi paate ke rasta kaat deta hai,
Mere malik, tu kab tak aakhir mujhe aajmayega......

Agar toote kissi ka dil, to shab bhar aankh roti hai,
Yeh duniya hai gunno ki jisme kaatein piroti hai.
Hum apne gaon mein milte hain dushman se bhi ithlakar,
Tumhara shehar dekha to badi taklif hoti hai.

Humein iss chist se umeed kya thi aur kya nikla,
kahan jana hua tha teh aur kahan se raasta nikla.
khuda jinko samjte the, woh sheesha the na pathar the,
Jisse pathar samjhte the, wohi apna khuda nikla....

Ya khuda mai kitni thi Nadaan.

Ya khuda mai kitni thi Nadaan.

jo karti thi us par apni Jaan Qurwan..

woh to bahut nek aur Masoom tha.

uske dil mai kiya hai mujhe nahi maloom tha..

usne mujhe pyar kiya aur bahut pyar kiya.

phir maine bhi kahan usko inkaar kiya.

zi bhar kar maine bhi usko pyar kiya..

pyar ke jhhote jaal mai fans gai mai.

pyar mai dhoka bhi hota hai yeh bhool gai mai

Chahte to mujhko aur bhi the, aur dete the apni jaan

kiya tha aisa usmain jis par hamari thi jaan Qurwan.

ek din hawa ka aisa jhhoka aaya

mere sare sapno ko uda le gaya

uske kadoe alfaaz the

aur mere khali haath the

uski kadoi baaten thi

aur meri nikalti saanse thi

kis kadar usne ki mere saath bewafai

Uski khatir maine na ki thi apni sagai

Bahut rulaya usne mujhe sham-o- shar

Nahi ho pata hai uske bina ek pal bhi sabr.

maan ja mere priyetam pyare

laga le mujh ko apni saanso ke sahare

sirf tere hi liye ji rahi hoon

duniya ke kaduwe bol tere liye hi sun rahi hoon

muhabbat khuda ka anmol tohfa hota hai

yeh duniya kiya jane......

is ko to dhoka dena hota hai...............

Kuch Deewane Aansu

Kuch Deewane AansuIshq ke daayre mein
Apna muqaam paa lete hain
Chahat ke kisson mein
Apni zindagi ka
Har hissa baha lete hain
Inhe hum kabhi
Jo mitaana chahein
Mohabbat mitne lagti hai
Inke Ehsaas Bina
Khushiyon ki aandhi mein
Wafayein bujhne lagti hain!!

Woh Nahi Mera Magar Usse Mohabbat Hai To Hai

Woh Nahi Mera Magar Usse Mohabbat Hai To Hai

Yeh Agar Rasmo Riwajo Se Bagawat Hai To Hai,

Sach Ko Maine Sach Jab Kah Diya Toh Kah Diya,

Ab Zamane Ki Nazar Mein Yeh Hamaaqat Hai To Hai,

Dost Bankar Dushmano Sa Satata Hai Mujhko,

phir bhi Us pathar dil pe marna apni fitrat  Hai To Hai,

Kab Kaha Maine Ki Woh Mil Jaye Mujhko,

Uski Baaho Me Dam Nikle itni Hasrat Hai To Hai,

jal gaya parvana to usme shama ki kya khata.

yun raat bhar jalna jalaana uski kismat hai to hai 

Woh Saath Hai Toh Zinda Hu Main,

Meri Saanso Ko Uski zarurat Hai To Hai

dur the,dur renhenge har dum ye zamein asmaan.

duriyon ke baad bhi dil mein kurbat hai to hai.

maine kab kaha tu mil hi jae mujhe.

par gair na ho jaye itni hasrat hai to hai.

Dard se hath na milate to or kya karte,

Dard se hath na milate to or kya karte,
Gam ke aansoo na bahate to or kya karte.
Usne maangi thi humse roshni ki dua,
Hum khud ko na jalate to or kya karte

Iss baar kuch aisa mein chahta hoon

Iss baar kuch aisa mein chahta hoon
Tum ko apna banaana chahta hoon

Bhula kar apne sab gham
Tumhe dilse apnana chahta hoon

Tumhe tumhari ijazaat se
Apne dil mein basana chahta hoon

Apne naam k saath joar kar tumhara naam
Duniya ko sar-e-aam dikhana chahta hoon

Kab ho Qubooliyat ki ghari na jaane
Tumhe har dua mein mangna chahta hoon

Ho jaao tum meri aur main tumhara
Harr pal bas yehi ehsaas chahta hoon

Tum se hi ki bass mohabbat main ne
Apni sari zindagi tumhare sang chahta hoon

Karta hoon aaj main ye iQraar
Main bass tumhe bass tumhe hi chahta hoon

HaQ ke saath kahoon tumhe main apna
Tumse bass aaj main yehi raza chahta hoon

Usko Chaha Bhi Toh Iqraar Na Karna Aaya

Usko chaha bhi toh iqraar na karna aaya,
Kat gayi umr, hamein pyar na karna aaya,
Usney maanga bhi agar kuch toh judaai maangi,
Aur ek hum thay ke inkaar na karna aaya

Tanhai mein khat aus ne mera padha hoga

tanhai mein khat aus ne mera padha hoga
dil aus ka bhala kaboo mein kaise raha hoga

jab sakhyon ne ause majboor kya hoga
tab sarmake naam aus ne mera liya hoga

jab ratoon ko yaadon ki purwai chali hogi
aus ke dil-e-nazuk mein tufaan uttha hoga

ek awara shayer kehtein hai jise IMTIAZ
akhsar tumhe apne khawaboon mein mila hoga

Dard-e-Tanhai

Aao lay jao meray dil kay khazanay
SeeNch daalo yeh apnay gulshan veeranay

TanhaaioN ka zehar piya hai is amrit kay liyay
TaNz-o-fiQroN maiN jiya hai is amrit kay liyay

Barti gayi,barti gayi aur talaash tab junoon ho gayi
Meri deewanagi mehfiloN maiN haNsi ka majmoon ho gayi

Ukta kay uth gaya har aashna kareeb say
Aur ziNdagi ruk gayi us maNzar ajeeb pay

Ik taraf urnay ki lalak
Ik taraf zameeN ki pakar
Ik taraf nai duniya ka shouq
Ik taraf ajnabiyat ka khauf

Magar phit khudi nay behoshi ki aakhri zaNzeer bhi tor di
ParoN maiN apnay hosh ka dum bhar,aasmanoN say hor li

Nigaah phir uth gayi jeet haar kay sawaal say
Ufaq dar ufaq barta gaya noor hosh kay jamaal say

Phir dil dil lay kar gaya yeh wusat-e-ahsaas
Behosh sab hujoom thay laut aayaa maiN udaas

TanhaaioN maiN magar ab bhi
Umeed ki lau jalti hai.

Mujh Ko Ha Ek Gila tum se

mujhe hai ek gila tumse
shikayat bhi hai shikwah bhi
mujhe kyu yaad aate ho
kyu mujh ko yu satate ho
mujhe kyu tum tarsate ho
tarsake kyu rulate ho
ye duri kyu majburi kyu
zindagi yu adhoori kyu
kyu mujh ko bhool jaate ho
rulake muskurate ho
ye kaisi teri chahat hai
ye akhir kaisi muhabbat hai
jijhak kyu hai hichak kyu hai
sisak kyu hai kasak kyu hai
mujhe tumse shikayat hai
yehi meri shikayat hai

Gul aur Gulzar ki Mehek Hain Charoon Taraf

gul aur gulzar ki mehek hain charoon taraf
hum tho ek kali ke khilne ke intezaar mein hain

bijli aur aatish hain roshan charoon taraf
hum tho ek jugnoo ki roshni ke intezaar mein hain

caravan saje chale ja rahe hain har su
hum tho ek anjaan rahi ke intezaar mein hain

kash aaj tho aaaye woh hamari chaukat pe
ankheen bichaye sadiyoon se unhikay intezaar mein hain

Banke ik saaya wo meri zindagi me aaya!

Banke ik saaya wo meri zindagi me aaya!

Na jaane kaun, aaya kaha se thaa ? ........

Aahat Se Uski Mujhe Hone Lagi Thi Wahshat,

Par woh mujh ko Paigham-e-mohabbat De Gaya Tha !

Dil mein uthi Tadap, us ki Sakhawat dili ki wajah se,

Aur aisa nasha hua, jo ki jaavedaa tha!

Us ke aane say jo is dil main roshni hui hai ab

Warna to is dil mein koi taara bhi na chamka tha

Dekha Jab sab ne , meri aankho main us ka chehra,

Sab ko laga aaj who mujhey apney dulhan bana gaya tha

Admi kitna baNtaa daftar, gali, ghar-baar meiN

aadmi kitna baNtaa daftar, gali, ghar-baar meiN
yah khabar chhapti kahaaN hai aik bhi akhbaar meiN.

sunate haiN usne bhi phir dekha nahiN saahil kabhi
chhoR kar hum ko gayaa tha jo kabhi majhdhaar meiN.

jism to saara humaara thak gayaa chalte huye
par ravaani aaj bhi hai aaNsuoN kii dhaar meiN.

husn kii har na pe bhi yah soch kar raahat rahii
kuchh razaa shamil hua karti hai har inkaar meiN.

tumko khokar kya bataayeN gulsitaaN ko kya hua
aik patta bhi haraa dikhta nahiN ashjaar meiN.

kyoN ye duniya ghoomti hai, kya tumheN maaloom hai
anginat toofaaN chhipe haiN aik ik kirdaar meiN.

dhoop jaisii dhoop dekhe ik zamaana ho gayaa
teergii-si bhar gayi hai waqt kii deewaar meiN.

meer kii chahat, asad ka falsafaa, momin ke gham
ya Ilaahi saj gaye saare hunar baazaar meiN.


saath koyi bhi rahe ya maiN kahiN tanha rahuN
ik ajab-si bekali maaiil milii sansaar meiN.

aane wali nasl ko to kuchh nayi duniya mile
aag lag jaaye tabar meiN, top meiN, talvaar meiN.

aaj ik taazaa ghazal paRh kar situmgar ro paRaa
aa gayi taseer shaayad kuchh mere ash’aar meiN.

Todiye Todna Asan ha

todiye ji todna asaan hai
dil hamara kaanch ka samaan hai


aapse mil aap se hum ho gaye
aaiina bhi dekh kar hairaan hai

hindu muslim sikh isaayee sab mile
laapta bas aajkal insaan hai

neer bhoomi sang gagan vaayu mila
inse hi milkar bane bhagwaan hai



chahton ka hai yahi dastoor ki
husn hi ne ishq ki li jaan hai

apne apne hisse ka kaato badan
zindgi ka khul raha lo thaaan hai



kar lo ghar ki sab diwareN ab nayee
aane wala ik naya mehmaan hai


'fikr' usse ho zuda mumkin nahi
usme meri, meri usme jaan hai

Ajab Ek khumar me Ghuzre ye zindigi

Ajab ik khummar mein guzrii yeh zindagii
Terey hii intezaar mein guzrii yeh zindagii
miley, mill key rooth gaeyey
khwaab saarey toot gaeyey
tum sey milna tha
kuch kahna tha
baar baar milley
kaeii baar milley
kuch kah na paeyey
goo tum hii tum basey rahey dheyaan mein
per anna aarey aatii gaeii her ik kaam mein
kuch kahney sey pahley hii rutt badal gaeii
nazar lagg gaeii
guzrey mah o saal ko yaad kar key
khud ko bahlaatey rahtey heyn
khud sey yehii kahtey rahtey heyn
terey hii piyaar mein guzrrii yeh zindagii
terey hii intezaar mein guzrii yeh zindaggii

Har pal Sochta hu tuje bhula Dunga

Har pal sochta hoon tujhe bhula doon ga main
teri har yaad ko apne dil se mita doon ga main

jo tu mile ga donya ki bheed main bhi kabhi to
Ajnabi ki tarah dekh kar ankhein chura loonga main

Teri kahi koi baat bhi yaad na rahe gi ab mujhe
Teri pyar se di hoi har cheez jala doon ga main

chahe jal ja'on main, chahe jal ja'e mera dil
par tere bina bhi jee kar dikha doon ga main

Juda ho ke bhi rahe ga tu hamesha baqi mujh main
raheen ge anso meri ankhoon main teri bewafai ke

Aye gi jab bhi tu anso ban kar ankhoon main kabhi
andar se toot ja'on chahe par in ko sukha doon main

Na ane doon ga anso kabhi ankhoon main tere naam ke
Dekhna ab ki bar ese bewafa ho ja'on ga main...

Dard Seene Me Utar Jane do

dard seene maiN utar jane do
zakhm ko aur ubhar jane do


mere toote hue dil per logo
jo guzarti hai guzar jane do

dastaaN kaun sune ga gham ki
shayeri ban ke bikher jane do


ek mahak pas se guzri he abhi
es ko saNsoN maiN utar jane do

phool kuch haiN khile angnaai meiN
in ko ashkooN se nikhar jane do

zindagi kese guzareN tum bin
apne haatoN ye saNwar jane do



yaad kerke tumheN roi Annu
ab to ashkooN ko teher jane do

Haqeqat ha yeh Jumla nahi ha

haqiiqat hai ye sirf jumla nahii.n hai
musiibat mei.n koyi kisii ka nahii.n hai

wo gul shaakh se yuu.N bhi TuuTa nahii.n hai
kisii ne abhi usko dekha nahii.n hai

na aana na jaana,na milna milana
ajii ye to koyi tariiqa nahii.n hai

kabhi dil kii baatei.n akele mei.n ho.ngi
abhi baat karne ka mauqa nahii.n hai

baDii ChoT khaayii magar ye na jaana
mohabbat mei.n kya kuCh hai aur kya nahii.n hai

khabar kya kahaa.N TuuT jaaei.n ye saa.Nsei.n
bharosa koyi zindagi ka nahii.n hai

Muje Yaadoo Satao Na

Mujhay yaadoo satao na
Meray Peechay Tum Aao Na
Bhala Kiya Faiyeda Ho Ga
Takub Maira Karny Say
Sakoon Ki Chand Sansain To
Mughay Bhi Laine Do Yado
Mughay Tum Kuon Satati Ho
Mughy Tum Kuon Rulati Ho
Mairee Tanhaiyun Main Kuon
Dakhal Andaz Hoti Ho
Kaheen B Main Chali Jaon
Vaheen Aa Jati Ho Yado
Mughay Ab Sony Do Yado
Boht Shab Khaiz Yadien Hain
Mughe Sonay Nahi Daiteen

Lafzo ko taraas ke hum Ghazal bana Diya karte ha

Lafzo ko tarash ke ghazal bana diya karte hai
hum chak-e-mohabbat par alfaaz siya karte hai

zara nazare bache ke chalna humse,hum wo hai
jo pehali nazar me hi dil chura liya karte hai

jinko berang kehati hai yeh duniya,hum to unhi
rango me rang mila tasveer bana diya karte hai

jin sharab ke paimano ko bewafa naam dete hai log
usi paimane me hum mohabbat mila piya karte hai



darate nahi hum inn sitamgaro se, hum woh hai
jo Subah-shaam ibaadat-e-khuda kiya karte hai

Shayar hai hum jara hatke iss zamane se janab,
chand lafzoo ko mila hii, geet bana liya karte hai

Zindigi se Pyaar karna seekh lo

Zindagi se peyaar kerna seekh lo,
doob ker phi "sey" ubherna seekh lo,

chaar so bikhrey hain moti ilm ke,
unke zewar se sanwerna seekh lo,

kerke sab chotay baron ka ihteraam,
dil ma logo k uterna seekh lo,

naik kamon ma kero paida maqaam,
ban k khushboo si bikherna seekh lo...!!!

Aap Hazrat kamaal Karte ha

Aap! Hazrat! Kamaal kartay hain!
PatthroN se sawaal kartay hain!

Unki soorat pe, Ha'aey! deewane
Mar ke, jeena muhaal kartay hain

Roshanii ke dassay hoye, yeh log
Raat ko din kheyaal kartay hain

Hum hain woh sar-phirray jo khud apni
Zaat ko paay'i'maal kartay hain

Hum ne jab dard khud hii paalay hain
Aap phir kion mala'al kartay hain

Hum tau iss daur-e-hijr mein, rasman
Aarzoo-e-visaal kartay hain

Kiu na aaj unko Pukara jaye

kyun na aaj un ko pukara jaye
dil e weeran ko sataya jaye

aaj phir un ko maana kar pal mein,
dil k zakhmon ko nikhara jaye

un ko phir aaj mana leynay ko
phool zulfon mein sajaya jaye

payaar aankhon sey ayaan hota hai
kyun bhala sab ko bataya jaye

payar ehsas hai,ik khail nahi
tum ko yeh kaisay dikhaya jaye?